एक हप्ते उद्घोषण तालिम सम्पन्न

पौष १९, काठमाडौं

प्राज्ञिक विद्यार्थी परिषद्,नेपाल काठमान्डौ महानगर इकाई समितिको आयोजनामा गत पौष १२ गते देखि १८ गते सम्म गौरीघाट, केशवघामको सभामा सञ्चालन गरिएको एक हप्ते उदेघोषण तालिम सम्पन्न भएको छ । 

उद्घाटन कार्यक्रमका  प्रमुख अतिथि, परिषद्का राष्ट्रिय महासचिव रमेश कंडेल, विशिष्ठ अतिथि परिषद्का राष्ट्रिय सचिव मोहन श्रेष्ठ, परिषद्का केन्द्रिय सदस्य एवम् काठमान्डौ जिल्ला प्रमुख विकास अधिकारी अतिथिको भुमिकामा रहनु भएको हो ।

एक हप्ते उद्घोषण तालिमको उद्घाटन गर्नु हुदै प्रमुख अतिथि कंडेलले यो नेतृत्वकर्ता उत्पालनको कार्य भएको हुदा सान्दर्भिक र प्रयोगात्मक हुने जसले गर्दा जुनसुकै ठाउँमा पनि सजिलै कार्यक्रमहरु गर्न सकिने बताउनु भयो । विद्यार्थी परिषदले यस्ता तालिमहरु देशभर नै सञ्चालन भइरहेको  जानकारी दिनुहुदै कार्यक्रमलाई स्वागत मनतब्य ब्यक्त गर्नु भएको हो । 

विद्यार्थी परिषदका राष्ट्रिय सचिव मोहन श्रेष्ठले भन्नु भयो, संख्यात्मक भन्दा गुणात्मकतालाई जोड दिनु आवस्यक रहेको र असल नेतृत्वका लागि थोरै संख्या भए पनि फरक हुदैन । तसर्थ तालिमका भएको उपस्थिति संख्या नै उत्तम भएको बताउनु भयो ।

समापन कार्यक्रमका प्रमुख अतिथि  डा. डिल्लिराम अधिकारी, विशिष्ठ अतिथि प्राज्ञिक विद्यार्थी परिषद्,नेपालका सह—संगठन सचिव नारायण प्रसाद ढकाल रहनुभएको थियो । समापन कार्यक्रममा बोल्दै प्रमुख अतिथिले भने , यस समयमा उद्घोषण तालिम गर्नाले उर्जावान विद्यार्थीहरुको सक्रियता बढेर जानेछ जसले गर्दा विकसित राष्ट्र निर्माणमा मदत पुग्ने गर्दछ, सकारात्मक सोच नै राष्ट्र पुन निर्माणको कोशेढुङ्गा हुने बताउनु भयो ।

यसै गरि परिषद्का केन्द्रिय सदस्य एवम् काठमान्डौ जिल्ला प्रमुख विकास अधिकारीले काठमान्डौ महानगर इकाईको आयोजनामा हुन गइरहेको यो कार्यक्रमले सक्षम नेतृत्व खडा गर्ने बताउनु भयो । विभिन्न तालिमहरुको आयोजना मार्फत देशमा असल ब्यक्ति निमार्ण गर्ने र असल ब्यक्ति निमार्णको माध्यम द्दारा नै राष्ट्रको पुननिर्माण हुने अधिकारीले बताउनु भयो ।

 प्रशिक्षकहरुमा दीपक लामिछाने, नारायण प्रसाद ढकाल, रमेश कंडेल, मोहन श्रेष्ठ, भगवती श्रेष्ठ, लगाएतले प्रदान गर्नु भएको हो । कार्यक्रमका अध्यक्षता सुश्री निरु आचार्यले गरेकी थिइन्, भने कार्यक्रम सञ्चानल कृष्ण प्रसाद हुमागाईले गरेका थिए ।

समापन कार्यक्रममा स्वागत मनव्त्व सुरेन्द्र शिवाकोटीले गरेका थिए भने तालिममा प्राप्त गरेका ज्ञान र अनुभव शुसिला भट्ट, सहिल खान र रिमा अधिकारीले गरेका थिए ।